The Railway Series

Nota: Entá falten delles correiciones ya imáxenes. The Railway Series ye una conocida saga británica de 41 llibros infantiles, que'l so marco de les aventures ta alcontráu na ficticia islla de Sodor. Los llibros fueron escritos pol reverendu Wilbert Vere Awdry (1911-1997), qu'escribió los primeres 26 llibros y creó al pie del so hermanu George la hestoria ficticia de Sodor, y el so fíu Christopher Awdry, al cual cuntába-y les primeres hestories cuando yera pequeñu y que siguió col llabor del so padre escribiendo los llibros del 27 al 41 (que ye'l postreru escritu hasta la fecha). Los protagonistes principales son un grupu de llocomotores antropomorfizadas, anque tamién hai más vehículos, que viven diverses situaciones propies de los ferrocarriles como son los accidentes anque non tan serios, o atascos, toos ellos basaos en fechos reales ferroviarios. El reverendu Awdry, como bon entusiasta y almirador de los trenes, estableció que les hestories de los sos llibros tendríen de ser lo más realista posible, como se demuestra na so decepción de cuando s'estrenó'l capítulu El monte de Henry, n'inglés Henry 's Forest, al consideralo nada realista una y bones Henry podría causar una quema forestal si les chispes de cenices de la so chimenea algamaren los árboles. Tolos demás vehículos, incluyendo les llocomotores protagonistes, tán basaos en vehículos reales. La serie de llibros foi un ésitu atayante en Gran Bretaña de les cualos comercializáronse audiollibros narraos por distintos actores, y en 1984 estrenóse la serie de televisión conocida como Thomas the Tank Engine and Friends que dio a conocer a tol mundu los sos carismáticos personaxes de los cualos sacáronse ensame de merchandising y fascinación pol antiguu ferrocarril de vapor tantu en neños como n'adultos, y faciendo que la serie de llibros de los Awdry tengan muncho más valor.